Category: Uncategorized

Selasetur Íslands og Náttúrustofa Norðurlands Vestra í samstarfi við Háskólann á Hólum og Hafrannsóknastofnun hafa hlotið styrk frá Loftslagsjóði í verkefni sem nefnist Krakkar í norðri: Náttúran og vöktun dýra.  Verkefnið verður unnið á Norðurlandi Vestra, frá Skagafirði til Hrútafjarðar.  Áhugasamir krakkar mundu búa til eigin vöktunar verkefni undir leiðsögn náttúru og -fuglafræðinga. Dæmi um vöktunarverkefni væru; koma farfugla, skráning á algengum tegundum varpfugla og umferðarfugla frá enn norðlægari slóðum og talning, útbreiðsla og lifnaðarhættir sela.  Upplýsingunum verður safnað saman og munu vísindamenn og fleiri hafa gagn af þessari mikilvægu upplýsingaöflun. Verkefnið mun auka náttúruskilning ungmenna og vitund um náttúruvernd og umhverfisbreytingar á tímum hraðra loftslagbreytingum í norðri.

Verkefnisstjórar: Einar Ó. Þorleifsson og Jessica Aquino
Meðumsækjandi: Sandra M. Granquist

Smellið hér til að lesa tilkynninginguna frá Umhverfisráðuneyti um styrkina sem voru úthlutaðir.

Hefur þú áhuga á sumarstarfi sem felst í að aðstoða við rannsóknir á selum á starfsstöð Hafrannsóknastofnunar á Hvammstanga, með aðsetur á Selasetri Íslands? Starfið felst m.a. í því að aðstoða við rannsóknir á stofnvistfræði sela, aðstoða við vettvangsvinnu í sambandi við selatalningar, skrá talningargögn í gagnabanka og fleiri verkefni sem tengjast okkar starfi. Vinnan er undir handleiðslu Söndru M. Granquist, sérfræðings hjá Hafrannsóknastofnun og deildarstjóra Selarannsóknardeildar Selaseturs Íslands. Um er að ræða 2 mánaða starf. Umsækjandi þarf að vera námsmaður í námi á milli anna og þurfa að hafa lokið a.m.k. einu ári á háskólastigi á fræðasviði sem nýtist í starfi (líffræði eða skyldum greinum).
Spurningar um starfið má senda á sandra@hafro.is

Sækja um hér.

Aðalfundur Selaseturs Íslands verður haldinn föstudaginn 22. maí 2020, kl. 19:00, í Dæli.

Venjuleg aðalfundarstörf samkvæmt samþykktum félagsins.

Selasetur Íslands, í samvinnu við Háskólasetur Vestfjarða, Háskólann á Hólum og Hafrannsóknastofnun, tilkynna hér með vörn meistararitgerðar Cécile Chauvat. Fyrirlesturinn hennar verður á ensku og ber heitið Visitors in the Land of Seals og þann 5. maí klukkan 13:00 verður hann í beinni útsendingu á YouTube frá Háskólasetri Vestfjarða og hægt að fylgjast með í gegnum þennan hlekk: https://bit.ly/2YlD7Ns

Ný vísindagrein sem ber heitið “Fluorine Mass Balance and Suspect Screening in Marine Mammals from the Northern Hemisphere” birtist á dögunum í vísidaritinu Environmental Science and Technology. Verkefnið er alþjóðlegt samstarf á milli vísindastofna frá nokkrum mismunandi löndum og einn af 14 höfundum er Sandra M. Granquist, deildarstjóri Selarannsóknardeildarinnar okkar ásamt sérfræðingur hjá Hafrannsóknastofnun. Hægt er að lesa greinina hér:

https://pubs.acs.org/doi/pdf/10.1021/acs.est.9b06773