Selir við Ísland

Við Ísland kæpa tvær tegundir sela, landselur (Phoca vitulina) og útselur (Halichoerus grypus). Fjórar tegundir í viðbót eru þekktar hér við land sem flækingar, en þær hafa ekki kæpt hér svo vitað sé. Þessar tegundir eru vöðuselur (Phoca groenlandica), kampselur (Erignathus barbatus), blöðruselur (Cystophora cristata) og hringanóri (Phoca hispida). Einnig hafa rostungar (Odobenus rosmarus) sést hér við land en þeir eru þó mjög sjaldséðir.

Siðareglur ferðamanna við selaskoðun

Verum varkár, því þetta er griðastaður selanna og við erum gestir
Verndum selina í náttúrunni, það gerum við með því að:

  • virða 100 metra fjarlægðartakmarkanir við seli og alls ekki að snerta þá
  • hreyfa okkur rólega og hafa lágt – köstum aldrei steinum eða öðrum hlutum í átt að selunum
  • færa okkur lengra frá ef selirnir sýna merki um truflun, aukna árverkni eða flýja.
  • að nálgast aldrei kópa sem virðast einmanna, því Urtan er nálægt.
  • að nota ekki dróna, því selirnir hræðast þá.

Til að fræðast nánar um hverja selategund smellið á myndirnar hér að neðan:

Landselur
Útselur
Vöðuselur
Blöðruselur
Hringanóri
Kampselur
Rostungur

Texti unninn í samvinnu við Erling Hauksson sjávarlíffræðing.

Myndir: Jón Baldur Hlíðberg

Heimildir:

  1. Páll Hersteinsson (ritstj.) 2004. Íslensk Spendýr. Vaka-Helgafell, Reykjavík, 344 bls.
  2. Lúðvík Kristjánsson 1980. Íslenskir sjávarhættir I. Bókaútgáfa Menningarsjóðs, Reykkjavík, 472 bls.