Sýningin Rostungurinn
Fundur með hagsmunaaðilum 2022
Boðið var til þakklætisspjalls og kaffi með landeigendum og Selasiglingum í dag. Selasetur Íslands hefur unnið í mörg ár með nokkrum landeigendum á Vatnsnesi og Heggstaðanesi, sem og eiganda Selasiglinga að selarannsóknum. Samstarfið hefur verið farsælt og kunnum við þeim bestu þakkir fyrir. Á fundinum var rætt m.a. um áframhaldandi samstarf og komandi rannsóknir á þessu ári. Næsti fundur verður boðaður í byrjun næsta árs, þar sem m.a. verður farið yfir helstu rannsóknarniðurstöður af rannsóknum á þeirra svæði. Takk fyrir okkur.
Lengri opnunartímar á Selasetrinu
Frá og með föstudeginum 1. apríl verðum við með opið virka daga
frá 12 – 16. Hlökkum til að taka á móti ykkur.
#selasetur #sealcenter #selaslod #thesealcircle #northiceland #visithunathing #arcticcoastway #nordurstrandaleid
Ný grein um skyldleika landselastofna
Nýlega birtist grein um uppruna og skyldleika mismunandi stofna landsels út frá erfðafræðilegum rannsóknum í vísindaritinu Molecular Ecology. Greinin ber heitið „Origin and expansion of the world’s most widespread pinniped: Range-wide population genomics of the harbour seal (Phoca vitulina)“. Sandra M. Granquist sérfræðingur á uppsjávarsviði Hafrannsóknastofununar er einn af höfundum greinarinnar.
Landselur er ein útbreiddasta selategund heims og finnst í mörgum fjölbreyttum búsvæðum á norðurhveli jarðar. Á sama tíma er tegundin talin vera mjög staðbundin sem vekur upp spurningar um hvernig dreifingu tegundarinnar hafi átt sér stað og mismunandi stofnar myndast. Í rannsókninni voru erfðasýni greind úr 286 landselum frá alls 22 mismunandi svæðum, þar á meðal við Ísland, og þau borin saman. Niðurstöður benda til þess að uppruna tegundarinnar sé að finna í norðaustur Kyrrahafi og þaðan hafi hún farið í Norður-Atlantshaf meðfram nyrsta hluta Ameríku yfir til Evrópu. Mikill erfðafræðilegur munur er í dag á milli landsels í N-Kyrrahafinu og N-Atlantshafinu. Þá bendir erfðafræðilegur munur á fínum landfræðilegum skala til sterkra átthaga tengsla hjá tegundinni. Þannig er til dæmis íslenski landselastofninn erfðafræðilega frábrugðinn öðrum landselastofnum.
Hér er hægt að lesa greinina:
Aðalfundur 2022
Aðalfundur Selaseturs Íslands verður haldinn fimmtudaginn, 28. apríl kl. 17 að Dæli í Víðidal.
Hefðbundin aðalfundarstörf samkvæmt samþykktum félagsins.
Við vonumst til að sjá sem flesta hluthafa.
