Höfðingleg gjöf frá Marel

Á dögunum barst Selasetrinu höfðingleg gjöf frá Marel. Um er að ræða vandaða tölvuvog sem hægt er að nýta til að vigta það magn fisks sem selur étur á dag. Nýja vogin leysir af hólmi eldri vog sem hafði verið biluð um nokkurt skeið.

Forsvarsmenn Selasetursins færa Marel bestu þakkir fyrir stuðninginn. 

Gjöf frá marel

Styrkur frá Menningarráði norðurlands vestra

Selasetur Íslands hlaut á dögunum styk frá Menningarráði norðurlands vestra upp á 2.1 milljón króna. Styrknum er ætlað að styðja við uppbyggingu sýningar Selasetursins og rekstur hennar. Á árinu hefur verið unnið að uppfærslu sýningarinnar, m.a. hefur verið opnaður nýr hluti þar sem er að finna upplýsingar um skynfæri sela, upplýsingaspjöld hafa verið uppfærð og hugað hefur verið að almennu viðhaldi í afgreiðslu og salernum seturisns. Nauðsynlegt er að huga vel að þessum þáttum þars em fjöldi gesta eykst jafnt og þétt og sífellt fleiri sækja safnið heim. Einnig er í gangi vinna við umhverfisstefnu Selasetursins auk fleiri smærri verkefna.

Forsvarsmenn Selaseturs þakka Menningarráðinu stuðninginn.

Aðalfundur Selaseturs 2014

Aðalfundur Selaseturs Íslands var haldinn í Dæli í Víðidal 15. maí 2014. 

Fundarstjóri var Skúli Þórðarson.

Í stjórn voru kjörnir eftirtaldir:

Ársæll Daníelsson, Guðmundur Jóhannesson, Jóhannes Erlendsson, Kristín Jósefsdóttir og Katharina Ruppel. Varamenn eru Róbert Jack og Sigrún B. Valdimarsdóttir.

Á fundinum var samþykkt hlutafjáraukning á árinu 2014 og verður farið í það á komandi vikum og mánuðum að afla aukins hlutafjár til að efla starfsemi setursins enn frekar.

Niðurstöður rannsókna á ummerkjum eftir sel á laxfiskum

Á dögunum var birt skýrsla með niðurstöðum rannsóknar á ummerkjum eftir landsel á veiddum löxum og silungum. Ummerkin voru könnuð á axfiskum sem veiddir voru í Vatnsdalsá og Laxá á Ásum í Austur-Húnavatnssýslu, ásamt Víðidalsá, Gljúfurá og Miðfjarðará í Húnaþingi vestra árin 2009 og 2010. Veiðimenn í þessum ám voru beðnir að skrá öll ummerki sem sáust á veiddum fiskum, ásamt því að tilgreina hvort ummerkin væru vegna sela (bit/klór), neta, annarra ástæðna eða ef ekki var vitað hvernig ummerkin væru til komin. Niðurstöður benda til að selbit og önnur ummerki á veiddum fiskum séu fátíð. Samtals fyrir bæði árin voru skráð ummerki eftir sel á 78 laxfiskum sem samsvarar 0,61% af veiddum fiskum á tímabilinu sem rannsóknin stóð yfir. Árið 2009 voru 0,36% af veiddum löxum selbitnir eða klóraðir af sel, en enginn silungur. 2010 voru 0,92% af veiddum löxum með slík ummerki, en aðeins 0,07% af veiddum bleikjum og 0,04% af veiddum urriðum. 62,1% af selbitnum löxum voru stórlaxar (dvalið tvö ár í sjó; ?70cm). Frekari rannsókn á áhrifum landsela í árósum á laxfiska á þessu svæði er yfirstandandi.

Smellið hér til að lesa skýrsluna.