Icelandic Seal Center
Selasafnið lokar formlega fyrir veturinn frá og með 1. október. En hafirðu áhuga á að koma með hóp til okkar er hægt að bóka tíma í síma 451 2345 eða með tölvupósti á info@selasetur.is.
Selasafnið verður opið á Brúðulistahátíðinni HIP (Hvammstangi International Puppet Festival) laugardaginn 9. október, kl.12-14.
Enn er talsverð traffík á Selasetrið og hefur því verið ákveðið að framlengja opnunartíma okkar til 30. september. Það verður opið frá 11-15 alla virka daga. Verið öll hjartanlega velkomin á Selasetrið!
There is still traffic at the Icelandic Seal Center and it has therefore been decided to extend our opening hours until 30 September. It will be open from 11-15 every working day (Monday to Friday). Be welcome to the Seal Center!
Í vetur mun Selasetur Íslands halda áfram með fyrirlestraröð þar sem fræðimenn úr ýmsum áttum koma og halda fyrirlestra. Við hefjum haustönnina með fyrstu fyrirlestrunum mánudaginn 23. ágúst klukkan 20:00 í Selasetrinu. Í þetta skiptið verða sumar vísindamennirnir okkar með tvo fyrirlestra, en það eru líffræðingarnir Brontë Harris frá Englandi og Laura Redaelli frá Ítalíu. Brontë og Laura hafa unnið á Selarannsóknardeild setursins í sumar við vettvangsrannsóknir og greiningar á selum.
Fyrirlestrarnir verða á ensku. Boðið verður uppá kaffi og konfekt.
Nánar um fyrirlestraröð Selasetursins má finna hér
Góð aðsókn hefur verið á Selasetur Íslands í sumar og höfum við fengið fleiri gesti núna um mitt sumarið en allt árið í fyrra. Íslendingar sem og erlendir ferðamenn hafa verið duglegir að heimsækja okkur. Auk þess sem við höfum fengið heimsóknir skólahópa, ferðamannahópa, bæði erlenda sem innlenda.
Spurningarnar um selina inná sýningunni hefur vakið mikla lukku hjá öllum aldurshópum. Grunnsýning er á íslensku, ensku og þýsku.
Í byrjun sumars á 15 ára afmæli Selaseturs hófum við samstarf við Rjómabúið á Erpstöðum og seljum við ís frá þeim til ágúst loka.
Við hvetjum heimamenn sem aðra til þess að gera sér glaðan dag og líta við á Selasetrinu.
Alls sáust 718 selir í selatalningunni sem fram fór í ellefta skipti þann 25. júlí síðastliðinn.
Selasetur Íslands vill þakka öllum þeim 58 innlendu og erlendu sjálfboðaliðum sem þátt tóku í talningunni í ár. Í ár fengum við m.a. sjálfboðaliða frá Þýskalandi, Finnlandi, Ísrael, Bandríkjunum, Englandi, Ítalíu, Frakklandi og góðan hóp frá Veraldarvinum.
Markmið talningarinnar er sem fyrr að fylgjast með fjölda og staðsetningu sela á um 107 kílómetra strandlengju Vatnsness og Heggstaðarness á Norðurlandi vestra.
Þau 11 ár sem Selatalningin mikla hefur farið fram hafa sést að meðaltali 757 selir hvert sinn. Árin 2008 og 2009 sáust flestir selir eða yfir 1.000 selir bæði árin en árið 2012 sáust aðeins 422 selir. Í ár sáust alls 718 selir sem er meira en síðustu þrjú síðustu skipti, en þó minna en árlegt meðaltal.
