Icelandic Seal Center
Frá og með föstudeginum 1. apríl verðum við með opið virka daga
frá 12 – 16. Hlökkum til að taka á móti ykkur.
#selasetur #sealcenter #selaslod #thesealcircle #northiceland #visithunathing #arcticcoastway #nordurstrandaleid
Aðalfundur Selaseturs Íslands verður haldinn fimmtudaginn, 28. apríl kl. 17 að Dæli í Víðidal.
Hefðbundin aðalfundarstörf samkvæmt samþykktum félagsins.
Við vonumst til að sjá sem flesta hluthafa.
Selasetur Íslands er hluti af Norðurstrandarleið (e. Arctic Coast Way), sem er nýleg og nyrsta ferðamannaleið Íslands. Leiðin nær yfir 900 km af norðlenskri strandlengju, sex skagar og sex eyjar.
Norðurstrandarleið snýr baki við troðnar slóðir og beinir ferðamönnum inn á hið fáfarna og afskekkta. Ferðamenn sem fara þessa leið, munu kanna norðurströnd Íslands í næsta nágrenni við heimskautsbauginn. Norðurstrandarleið fer um alla strandlengjuna, allt frá Hvammstanga í vestri til Bakkafjarðar í austri.
Frekari upplýsingar má sjá á www.nordurstrandarleid.is.
— Óskað er eftir sjálfboðaliðum við Selatalninguna miklu —
Laugardaginn 30. júlí kl. 13.30 verður Selatalningin mikla haldin á vegum Selaseturs Íslands á Hvammstanga. Við hvetjum alla til að taka þátt, hvort sem þú ert heimamaður, landeigandi eða ferðamaður á ferð þinni um landið. Með þátttöku gefst fólki kostur á að skoða landsel í sínu náttúrulega umhverfi.
Dagskrá dagsins:
Kl. 13:30, er afhending gagna, kynning og þjálfun á Selasetrinu.
Kaffiveitingar í boði fyrir þátttakendur.
Kl. 15:00-19:00, fer selatalningin fram og gott er að hafa með sér sjónauka. Skráning gagna fram á netinu eða með því að skila gögnum á Selasetrið.
Skráning og nánari útfærsla verður auglýst síðar er nær dregur.
Selasetur Íslands hefur notið góðs af styrkjum úr Sóknaráætlun Norðurlands vestra í mörg ár.
Selasetrið fékk nýverið styrk/stuðning fyrir árið 2022 úr Uppbyggingarsjóði í flokki „Stofn og rekstrarstyrkja“. Stofn- og rekstrarstyrkir eru veittir til safna, setra og listamiðstöðva á sviði menningarmála, séu stofnanir, opinber hlutafélög og samtök í meirihlutaeigu ríkis eða sveitarfélaga ekki leiðandi aðilar í rekstrinum. Svona styrkir skipta miklu máli fyrir Selasetrið og starfsemi þess.
Selasetrið þakkar kærlega fyrir sig og lítur björtum augum á starfsárið 2022.
Nánar má lesa um styrki Uppbyggingarsjóðs á vefsíðu SSNV.