Aðalfundur

Aðalfundur Selaseturs Íslands verður haldinn föstudaginn 22. maí 2020, kl. 19:00, í Dæli.

Venjuleg aðalfundarstörf samkvæmt samþykktum félagsins.

Aðalfundur

Aðalfundur Selaseturs Íslands verður haldinn á Hótel Laugarbakka 6. september kl. 21.

Hefðbundin aðalfundarstörf samkvæmt samþykktum félagsins.

Framhaldsaðalfundur

Framhaldsaðalfundur Selaseturs Íslands verður haldinn skv. 12. grein samþykkta félagsins þann 18. maí 2018 kl. 20.00 í Dæli.

Guðríður Hlín nýkjörin formaður Ferðamálasamtaka Norðurlands vestra

Á nýafstöðnum aðalfundi Ferðamálasamtaka Norðurlands vestra var Guðríður Hlín Helgudóttir kjörin formaður samtakanna.

Guðríður er ferðamálafræðingur frá Háskólanum á Hólum, og ferðaskrifstofustjóri Seal Travel, en sú ferðaskrifstofa er í eigu Selaseturs Íslands.

Við óskum henni til hamingju með embættið.

Gestum á fyrsta ársfjórðungi fækkar um 14% milli ára

 

Upplýsingamiðstöð ferðamanna í Húnaþingi vestra, sem rekin er á Selasetri Íslands, tók á móti 1679 gestum fyrstu þrjá mánuði ársins 2018. Sama ársfjórðung árið 2017 tókum við á móti 1958 gestum. Þetta er 14% fækkun á milli ára.

Einnig keyptu 10% færri sig inn á safnið á milli ára á fyrsta ársfjórðungi.

Gestum fækkaði á milli ára alla 3 mánuði ársfjórðungsins, eða um 17% í janúar, um 16% í febrúar, og um 13% í mars. Fækkun gesta má að hluta til skýra með veðurfari og færð á vegum í janúar og febrúar, en því var ekki til að dreifa í mars.

Langsamlega fæstir heimsækja Selasetrið á fyrsta og fjórða ársfjórðungi, svo þessi fækkun hefur lítið að segja um þróun heildarfjölda gesta á ársgrundvelli – en þessar tölur kunna að vera vísbending um ákveðna kólnun í ferðaþjónustunni, sérstaklega á svokölluðum jaðarsvæðum.